Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Тасқынға тас түйін дайынбыз
14.02.2018 12:12

Күн жылыса мұз еріп, ернеуінен асатын Сырдария қазірден-ақ мінез көрсетіп жатыр. Қазалылықтардың былтыр тасқынға қарсы қауқарының қандай екендігін байқадық. Аталмыш өңірде 11 учаскелік қауіпті аймақ бар. Мұндағы мұздың қалыңдығы – 70 см. Ал аудан әкімі Мұрат Ергешбаев «тас түйін дайынбыз» деп сендірді. Осы және өзге де мәселелер жөнінде өңірлік коммуникациялар қызметінде өткен брифингте айтылды.

Ауданда маман тапшылығы жоқ. Алайда М.Нәлхожаұлы сапалы мамандарға зәруміз деп ашық айтты. Аудан басшысының сөзінше, жай ғана дипломы бар мамандардан гөрі, өз саласын жетік меңгерген кадрлардың керектігін жеткізді.

Өткен жылы ауданда өнеркәсіп кәсіпорындары 11 млрд 800 млн теңгенің өнімін өндірген. Мемлекеттік индустриялық-инновациялық даму бағдарламасы шеңберінде 17 жоба іске қосылған. «Нәтижелі жұмыспен қамту және жаппай кәсіпкерлікті дамыту» бағдарламасы аясында 100 жоба қаржыландырылған. Десе де, кейбір елді мекендерде шаштараз, монша дегеніңіз атымен жоқ. Өңір басшысы осы олқылықтың орнын толтырамыз дейді. Ал «Батыс Еуропа-Батыс Қытай» халықаралық автожолы бойынан 5 сервистік қызмет көрсету нысандары тұрғызылмақ. Тіпті, жергілікті тауар өндірушілерге өз өнімдерін қысы-жазы сату үшін арнайы жер телімі бөлініп, көтерме сауда қатарын салу жоспарланған.

Қазалыда «Алтын асық» бағдарламасының орындалу барысы тым баяу. Бұған облыс әкімі Қырымбек Көшебаев та ескерту берген. Есесіне, ауданда асыраушы салаға тартылған инвестиция көлемі – 189 млн теңге. Есепті кезеңде 10 млрд 200 млн теңгенің өнімі өндірілген. Былтыр жергілікті диқандар күріштің әр гектарынан 45 центнерден өнім алған. Сондай-ақ, 14538 тонна бақша өнімдері жиналып, іргелес Арал, Қармақшы аудандарына сатылса, Ресейге 552 тонна қауын-қарбыз экспортталған. Мал шаруашылығын дамыту үшін алдымен қолайлы орта қажет. Ауданда ауылшаруашылық мақсаттағы жер телімінің 30 пайызы ғана игеріліп отыр. Өңір басшысы бұл мақсаттағы жерлерді толық игеруге мүмкіндік мол екендігін айтты. Осы бағытта бірқатар шаралар атқарылып жатқан да көрінеді. Мәселен, өткен жылы облыс қазынасынан бөлінген 153 млн теңгеге аудандағы 89 ішкі шаруашылық каналы, 463 карталық су арықтары, 471 карталық су тастау (сброс) жүйелері құжаттандырылған. Ал ауылшаруашылық мақсаттағы жер телімін пайдаланбаған 28 жеке және заңды тұлғалардан 20 мың гектарға жуық жер учаскесі мемлекет меншігіне қайтарылған.

Алдағы уақытта Қазалы қаласы мен Әйтеке би кенті аралығы қосылмақ. Қазіргі таңда 5 жаңа қоныстану аймағы игерілу үстінде. Былтыр инфрақұрылыммен толық қамтамасыз етілген 56 гектар жер телімі 200 адамға табысталған еді. Бүгінде аудан орталығынан 180 және 210 гектар жер учаскелеріне жол салу, электр желілерімен жабдықтау, ауызсумен қамту сынды жұмыстар қарқынды жүргізілуде.

Өздеріңізге мәлім, жақында «Әлсейіт» көпірінің құрылысы басталды. Оның жалпы сметалық құны – 2,7 млрд теңге. Биыл көпір құрылысын жалғастыруға республикалық және облыстық бюджеттерден 700 млн теңге қаржы қаралған. Ел игілігі үшін іске асып жатқан жоба тамамдалған соң дарияның арғы бетіндегі 15 мыңнан аса тұрғын аудан орталығына тікелей қатынамақ.

Солтүстіктегі ауданда былтыр ана өлімі тіркелмеген. Жаңадан ашылған орталық ауруханаға ангиограф медициналық аппараты алынбақ. Бұл қондырғы жедел әрі сапалы ота жасауға септігін тигізеді. Ал онкологиялық аурулар 39,9 пайызға төмендеген.

Қозы Көрпеш  Жасаралұлы

 

Пікір қалдыру


Қорғаныш коды
Жаңарту

Күнтізбе

< Ақпан 2018 >
      1 2 3 4
5 6 7 8 9 10 11
12 13 15 16 17 18
19 20 21 22 23 24 25
26 27 28        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары